: সমস্যা মানেই সুযোগ :
সমস্যা মানেই সুযোগ । প্ৰতিটো সমস্যাৰ আঁৰত কিবা এটা সুযোগ লুকাই থাকে । কিন্তু আমি সেই সুযোগটো চিনি নাপাওঁ বাবেই আমি সমস্যাটো সমস্যা হিচাপেহে দেখা পাওঁ আৰু তাৰ আঁৰত লুকাই থকা সুযোগটো দেখা নাপাওঁ । প্ৰতিটো সমস্যাৰ আঁৰত লুকাই থকা সুযোগবোৰ প্ৰত্যেকৰে বাবে বেলেগ বেলেগ হ'ব পাৰে । সুযোগবোৰৰ বাহিৰেও সমস্যাৰ আন কিছুমান সুফলো আছে । যেনে: সমস্যাই মানুহৰ সাহস বঢ়ায়, আত্মবিশ্বাস বঢ়ায়, দৃঢ় কৰি তোলে, মানসিক ভাবে আগতকৈ শক্তিশালী কৰি তোলে, অভিজ্ঞতাপুষ্ট কৰি তোলে, বুদ্ধিৰ সঞ্চাৰ কৰে যদিহে এটা সমস্যাৰ মুখা-মূ্খি হৈ সেইটো সমাধান কৰিবলৈ আগ বঢ়া যায় । এটা সমস্যাৰ মুখা-মুখি হোৱা মানে দ্বিতীয়বাৰৰ বাবে সেই সমস্যাটোৰ সমান ডাঙৰ বা জটিল সমস্যাৰ সহজেই সমাধান কৰিব পৰা যোগ্যতা অৰ্জন কৰা যায় । গতিকে এইটো ক'ব পাৰি যে যোগাত্মক দৃষ্টিৰে চালে সমস্যা আচলতে একো একোটা সুযোগহে । প্ৰতিটো সমস্যাই এক বা ততোধিক সুযোগ কঢ়িয়াই লৈ আহে ।
No comments:
Post a Comment